CONVENIO PREVENCIÓN E DEFENSA CONTRA OS INCENDIOS FORESTAIS

O Concello de Crecente desenvolveu un ano máis accións de prevención e defensa contra incendios forestais, no marco do Plan Estratéxico da Política Agraria Común (PEPAC) 2023-2027, cofinanciadas polo Fondo Europeo Agrícola de Desenvolvemento Rural (FEADER).
No ano 2025, os traballos inclúen desbroce manual e mecánico en espazos públicosdas parroquias do Concello

• Os desbroces manuais realizaranse en zonas de acceso máis complexo ou con presenza de vivendas próximas, tanto nas beiras de pistas como noutras superficies de titularidade pública
• Os desbroces mecánicos, en áreas máis extensas e abertas, levaranse a cabo sobre beiras de pistas e noutras superficies abranguendo unha superficie de máis de 50ha.

Estas intervencións contribúen á prevención de incendios forestais, á mellora da seguridade da poboación e á conservación sostible do territorio rural e están financiadas con cargo ao convenio entre a Consellería do Medio Rural e o Concello de Crecente para realizar traballos de prevención e defensa contra incendios forestais nos anos 2025-2026, cofinanciado con fondos do FEADER dentro do marco do PEPAC 2023-2027.