Miradoiro Alto de Guillade

Unha das principais características de Galicia é a nosa riqueza paisaxística, e para poder desfrutala, o visitante vese obrigado a realizar unha parada neste punto situado na estrada que une as poboacións de A Cañiza e Filgueira.

Aquí atópase o “Miradoiro de Guillade”, localizado en “O Coto Grande” do monte “Chan da Porteira”, paraxe pertencente a parroquia de Filgueira.

Dende este lugar o visitante desfrutará dunha panorámica espectacular de indubidable beleza e valor ao ver os meandros do Río Miño no seu fluír cara ao Océano Atlántico, dunha vista na beira dereita do río atópase a citada parroquia de Filgueira, e enfronte pódese contemplar a Vila Termal ourensá de Cortegada de Baños.
 

Galería:

Localización: