O Concello de Crecente publica hoxe no Boletín oficial da Provincia de Pontevedra (BOPPO núm. 217 de 19 de novembro do 2020) a aprobación inicial do
PLAN MUNICIPAL DE
PREVENCIÓN E DEFENSA CONTRA OS INCENDIOS FORESTAIS DO CONCELLO DE CRECENTE.
O documento redactado por SEAGA en colaboración co Concello de Crecente, en virtude da adhesión do Concello de Crecente ao Convenio de colaboración subscrito entre a Xunta de Galicia, a FEGAMP e SEAGA en materia de prevención e defensa contra incendios forestais, para o establecemento dun sistema público de xestión da biomasa nas faixas secundarias e a súa addenda, ten coma obxectivo principal do presente, en cumprimento do establecido na Lei 3/2007, é a definición da rede de faixas secundarias de xestión de biomasa, formadas por un conxunto de parcelas lineais do territorio estratexicamente localizadas, e garantir o control e a eliminación total ou parcial da biomasa forestal, mediante técnicas silvícolas axeitadas, co fin principal de reducir o risco de incendio e protexer a seguranza das persoas.
Este obxectivo fundamental concrétase nunha serie de accións sobre o territorio que buscan organizar a xestión da biomasa en zonas estratéxicas, especialmente aquelas declaradas de alto risco de incendio, unido á construción e mantemento de faixas exteriores de protección de zonas poboadas, o tratamento de áreas forestais nun esquema de intervención segundo modelos
silvícolas previamente establecidos, no ámbito da defensa de persoas e bens e a defensa dos montes.
A redacción do presente Plan pretende, por tanto, aportar un documento que conteña as accións necesarias para a defensa contra os incendios forestais efectuando unha análise da situación
actual, e establece unha zonificación do territorio como marco das directrices de actuación a realizar para acadar os obxectivos propostos.
O documento inicial sométese agora a información pública durante vinte días hábiles (ata o 9 de decembro inclusive); durante ese prazo as persoas interesadas poderán examinar o documento e presentar as alegacións e reclamacións que estimen pertinentes.
